لوحــة زيتيـّة ،،،،،،، سلطان الدوسري

من طرف **MoHaNaD** الخميس 01 فبراير 2007, 4:46 am

( بار ) بقوارير شمعيّة وزيتيّه ..

هدوء صااااخب ..

سُكْر قلم ..

مجون ريشه ..

لما ؟؟؟؟ ..

لا أدري .. فربما

( شطحة ) خياااااااال ..

يجيب الوان عاديه (وجيزه جيز كل النـاس)
اطالعها واقلّبها .. وربـي (بنـصّ) يشريهـا
يناظرني بعينه حبّ اذوب برسمـة الألمـاس
يصير (النصّ) في عيني الوف بجـدّ يحريهـا
(يطق) اقلام بالريشه يقول (بصحة) الاحساس
اشوف (خطوط) ثملانه / وحرفي راق يسريها
يخلط الوان يمزجها / باقلامه يحـطّ انفـاس
تلاوينه على شانه تشـاور هـاه نبريهـا ؟؟
يجيب (الوان زيتيّه) واحينـاً (فحـم اكيـاس)
وتذهلني اصابيعـه / تبيْـن صـورّ يجريهـا
(اتنّح) في خيالاتي يـدق بعالمـي اجـراس
ارجّع (فحْمته) للخلف / حَمَار الضوّ يثريهـا
اقلّب (فحْمته) سودا / وحمرا مالهـا مقبـاس
(رؤس اقلام) بالاسود واحمـر زود يعريهـا
حتى (الظّل) في رسمه بديع يدرّجـه بقيـاس
يظللني برسماتـه / دفـا هالشـوق يطريهـا
يذكّرني زمان اوّل (مقص ولزق مع كـراس)
الى جا آخر (الحصّه)؟ مقص قلـوب يفريهـا
براءة قلـب نرسمهـا / ونهديهـا ولاتنـداس
نحط (قلوب مطعونه) نعرف الحـق نزريهـا
ويرسمني وانا ارسم رشفني من خياله كـاس
تطاوعني بنات افكار تشـوف اشيـا تدريهـا
تلاوينه واغراضه على كيفـه قـوّي البـاس
تحبّه موووت من صغره تموت بساع يقريهـا
اداواته لها عاده / آمر .. سمّ .. فوق الـراس
اجل ماانلام مادامت جمـاد ومـوت يغريهـا
واغراني بتوقيعـه / تمنيتـه اهـو (انبـاس)
وطبعا لازم يوقّع / ووقّع بوووووس يهريهـا